Google Ads

شهر واحد: 15.1 ألف ريال تكلفة مقابل 288 ألف ريال قيمة تحويل، ونسبة نقر 3.69٪. جوجل بتديك الأرقام دي لما الطلب موجود قبل ما تدفع — الناس بتدوّر على المنتج بالاسم. ده مش شطارة استهداف، ده اختيار قناة صح.

سنة وأربع شهور في شاشة واحدة: 22.4 ألف ريال تكلفة مقابل 167 ألف ريال مبيعات. الرسم بيوريك الموسمية بوضوح — في شهور بتنزل صفر. الحساب اللي بيتحكم عليه من شهر واحد بيتحكم عليه غلط، ودي بالظبط الصورة اللي بتبيّن ليه.

1.57 مليون ظهور بمتوسط نقرة 32 هللة، 18.9 ألف ريال تكلفة مقابل 135.1 ألف ريال قيمة تحويل. لاحظ إن الخط فاضل مسطّح شهور طويلة قبل ما يبدأ — دي فترة تنضيف الكلمات السلبية وتغذية الكتالوج، والشغل ده هو اللي بيخلّي النقرة بـ 32 هللة.

24.6 ألف ريال تكلفة مقابل 480 ألف ريال قيمة تحويل بنسبة نقر 3.39٪. أعلى عائد في اللقطات كلها، وهو من جوجل مش من ميتا — لأن الحساب ده كان بيبيع لناس بتدوّر عليه أصلاً. اختيار القناة قبل تحسين الحملة.

شهر أصغر: 4.6 ألف ريال تكلفة مقابل 28.4 ألف ريال قيمة تحويل، 121 ألف ظهور، النقرة بـ 32 هللة. حطيت الحساب الصغير جنب الكبير عن قصد — نفس الطريقة بتشتغل على ميزانية صغيرة، والفرق في الحجم مش في الأسلوب.

المقارنة اللي بتفرق: نفس الحساب، بحث مقابل Performance Max. البحث جاب 223 عملية شراء بـ 11,496 ريال ونسبة تفاعل 6.17٪، وحملة بحث تانية بنسبة تفاعل 22.07٪. الـ PMax جاب 34 عملية بـ 3,010 ريال ونسبة تفاعل 1.75٪ من 894 ألف ظهور. الظهور الكتير مش إنجاز.